• Jrene Schumacher

Neujahr

Mis à jour : il y a 3 jours

I ha decht i mache mir hüt so nes paar Gedanke zum Jahresafang u bringä se uf Papier (..eh PC ) wüll i no gärn schribe u miner Gedanke chli im Kopf püschele. (Übrigens we öpper müe hett mit mim Simmetaler-Dütsch darf Är oder Sie mer gärn tel. d Ubersetzig würd gliferet.)

I ha drum ufmöge, wüll i scho zimmlich früeh geschter itz Bett bi..i wihs jetz säge alli so ne lengwiler, aber es tuet mer lihd die Klöpferei u Feschterei sid mir eifach nid meh so vihl. Also verstaht mi nid falsch, jedä soll feschtä u klöpfe wie när wott, ha das öppe o gmacht, aber irgendwie ha ni jetz meh z Bedürfniss dä Moment eifach still u für mi z neh. Als Rückschau vo däm letschte Jahr, still wärde u sech z bsinne was aus gange isch. O mal z Danke für all die wunderbare Momentä wo me hett dörfe erläbe, äs Dach uberem Kopf het, ä warm ghitzti Stube im Winter, gnue zum ässe (ja meh als nume gnue...) liebi Menschä u Familiä um sech ume , d Natur z bewundere wo jedes Jahr der glich Kreislauf dürluft...ohni z jammere u z reklamiere. Aber o die schwere Moment a z gugge....u villicht o dörfe z verstah werum es mengisch so soll si u nes o alles si Sinn het u me sich villicht so o besser darf verstah?

Sech bewusst z wärde das es vihlne Mensche würklech nid guet giht u froh si nume chli öppis z ässe z finde, oder was mi sehr Beschäftigt si Froue u Chind wo uberhupt kiner Rächt hi u nume als Wahr u nid als Mensch behandlet wärde. Oder üsi Natur u Tier, wo mer no alli vihl z tüe hi.... U de würd mer o wider Bewusst so lang es andere schlächt giht, so lang cha nes mir no so guet gah aber Richtig z fride bi ni allwä nid derbi. Ersch we ni öppis vo Härze mache ersch den hi alli o öppis dervo, glubet mer alles was vo Härze chunnt egal welä Bruef oder weli Ufgab me jetz grad Momentan het u me das vo Härze macht würd sini Würkig ha. Aber das bedinngt das me äbe o mal chli still würd u uf sech lost, oder ir hütige Zyt nid immer alles glubt was ihm da vorkätschet würd, hinterfragt ob das immer alles WAHR isch was ühs da Politiker, Mediä, Medizin, Würtschaft sogar d Schuel usw. durent idrichteret. Die Strukture o mal z hinterfrage u nid immer alles blind z glube....Aber für sis Härz z gspüre...u d Warhit hinder der Warhit z verstah.... gits äbe nid mit Klöpfe u Feschte.....villicht nid a Silveschter aber süsch ämal amene stille u besinnliche Abe, für Zyt z finde zum uf sich lose.....

I wünsche allne äs guets u vo Härze begleitets Jahr!




34 vues

Posts récents

Voir tout

Äs luschtigs Gschichtli

I bi letschthin mit mine Tierläni zämeghocket wüll mer hi z Gfüehl cha es we mal nötig o so näs Brain-Storming z mache villicht gäbi das wider paar neui Ideni….jedä het sich chönne üsserä u Guschteni