Ja für dä Summer bi ni sehr Dankbar! Es isch unglaublich viel gangä.... d Heubühni isch voll mit guetem Fuetter für Tier. Vihl Tier hi der Wäg zu ühs ufä Betrieb gfunde. Mir hi viel schöni Momentä u mengisch o trurigi erläbt. Mengisch hetz gharzet underenand u de het me sich wieder wunderbar Verstande. U was ganz wichtig isch Mitenand u nid gägenand z wärche. Das het ä unglaublichi Kraft geh u Muet sinä Visione treu z blibä u z Vertraue, das scho alls guet kunnt.
O miner liebä Chind wachse, wärdä gross, mache sich uf ä Wäg itz Läbe....
Der Chrüttergarte isch äs Paradies, jetz gseht me aber o scho langsam der Herbscht wo Pflanze langsam zum verblühe bringä. Aber o hie dörfe mer immer no ärnte. Im Beret isch richtig grümplet worde...(i säge däm, uf mehreri Generatione-usrumetä) i glube das tuet mengisch gut u löst vihl! Äs isch sicher äs bsunders Jahr....u jedä hetz uf sini Art erläbt u trotzdem si mer alli zäme verbundä. Ja,i bi uf all Fäll Dankbar ha viel dörfe lehrä, viles dörfe Verstah u Bewusst wärde das immer alles Richtig isch so wis äbe grad isch. U ni d Verantwortig ha öppis z Veränderä oder äbe o nid. U vor allem z Wüssä jedä machts so guet wie ner halt cha u d Müglechkyht het i däm Moment. So chunnt me o lengerschi meh us däm Verurtilä use, u Verstiht zämeheng o immer wie besser..... Entschuldigung.. jetz hets mi wieder mal itz philosophiere verschlage :) kurz gfasset i bi vo Härze Dankbar.