Wie das so isch we ni wieder ä neui Idee ha, überlegeni immer was am mischte Sinn macht. So isch das o gsi wo ni ha wölle Hühnder zuechä tue. Da die grosse Hühnder Farmi, all ca. zwü Jahr ihre Beschtand wägsle, ha ni mir decht i nime vo däne Hühndleni äs paari de dörfe die chli lenger ihres Läbe gniesse. So bi ni voller Früd äs paar bruni u wissi "usgmuschtereti" Hühnder ga riche bi me ne Bio-Buur. Sie hi die Hühnder mir i ne Kischte verladä u so hed die Rihs agfange. Dehime wo alli usglade si gsi, ha ni gseh das bi ihm z Scheichli isch broche gsi " vermuetlich vom verlade". Guet, so ha ni däm Hühndli das Scheichli guet i bunde, Arnica Krügeli ge, u wülls di andere Hüehnder de o no blaget hi, hi mers seperat, i Stall da, Wasser u Fuetter geh, u di chlini Violeta, hed grad vo afang a ging chli bedura cha mit erä. U so isch das vo Tag zu Tag besser gange u Hinkebein wie mer ihre gsid hi isch o ganz zuetraulich worde. U hed o ummi chönne lufe chli ghinket aber z fride um z Hus um u i Mischt ga kraue. U hed hie u da mal äs Ei gliht u vor allem no chli lenger könne am Läbe blibe. U so hi die Würtschaftliche Gründ für nes mal wieder chönne zum Tierwohl umgange wärde.
