Äs luschtigs Gschichtli

Dernière mise à jour : 4 déc. 2020


I bi letschthin mit mine Tierläni zämeghocket wüll mer hi z Gfüehl cha es we mal nötig o so näs Brain-Storming z mache villicht gäbi das wider paar neui Ideni….jedä het sich chönne üsserä u Guschteni hi gmihnt si sigi ömel z fridä u das us inä Muetterküeh wärdi sigi ömel sehr guet…jetz muess me wüsse das miner Guschteni zimmlech ä gmischti Gruppe isch….also da würdi sich ä grosse Züchter glatt d’Ugä vertreiä. Aber si hi mer gsiht si sigi de scho froh das si nid nume als Milchproduktions-Maschine brucht wärdi. U das wäg em gmischtä Bestand;

Da sigi doch mal der Göfferlimuni…Entschuldigung der KB Besamer chli z lang ir Lochmatte blibe hocke…u wo ner du entlich sich het chönne vom Stammtisch löse…het er ächli z heftig pressiert wo ner i Subaru isch igstigä u het us versehä si Stickstoff-Bhälter mit de Samestengeli uskeit….u im gjuffu het är du alls eifach afa mal irgend ines Röhrli keit…..jetz kas natürlech scho si das im Simmetaler-Muni Röhrli o ne Angus isch u ne Limousin…..jä nu gschehi nüd bösersch hi du Guschteni gsiht. O d Hüehner hi gmihnt si sigi wohl hie higi äs zweits Läbe gschenkt ubercho u o we mengisch der Fugs chli nach zum Huus chömi, neme si das Risiko i chuf o gangi gärn um z Hus u uf ä Mischt ga scharrä. D Gihs hi gmihnt si sigi ömel o z fridä ä so, si hi drum vo letscht der Bock z bsuech kah u das het ne de scho passt. D Rössleni si sowiso gueti Fründinnä u z Zwärggihs müesse sech jetz de chli meh uf di anderä Gihs konzentrierä wüll z Ross isch immer no wie näs Müetti füe se….aber das isch o guet. Item im grosse u ganze si alli zfridä u fröie sech ab em Läbe. Also de bis zum nechschtä Brain-Storming....:)

29 vues0 commentaire

Posts récents

Voir tout

Öppis warms u sinnvolls vom Schäfli

I wihs scho…mit Wulläsockä u Wulläpullover würsch sofort schreeg aguget…de würsch automatisch zu da Grüenä oder der Alternativszenä cheit. I wihs igendlich nid wiso das me grad sofort i ne Schubläde k